Ուլտրաձայնային հետազոտություն (սոնո/էխոգրաֆիա) - կոնքի օրգաններ
Նկարագրությունը
Հետազոտվում են միզապարկը, շագանակագեղձը, սերմնաբշտերը, սերմնաթմբիկը, միզուկի ներգեղձային հատվածը, արգանդը և ձվարանները, արգանդի հավելումները, ինչպես նաև թվարկած օրգանները շրջապատող հյուսվածքներն ու արյունատար անոթները։ Հետազոտվում է հղի արգանդը, գնահատվում է պտղի զարգացման ընթացքը, որոշվում է հղիության ժամկետը։
Երբ հետազոտվել
Կոնքի սոնոգրաֆիան կատարվում է պարզելու համար կոնքի ցավերի, դաշտանի խանգարումների , միզարձակության խանգարումների, անհասկանալի արյունահոսությունների պատճառները, որոշում է շոշափվող գոյացությունների բնույթը և տեղակայումը, ազատ կամ սահմանափակ հեղուկների առկայությունը։
Ինչպես պատրաստվել
Անհրաժեշտ է ներկայանալ լիքը միզապարկով։ Հաճախ անհրաժեշտ է լինում հետազոտությունից հետո դատարկել միզապարկը և որոշել մնացորդային մեզը։
